غداء السواقين 1

تقرير ممتاز ومفصل . فعلاً حياة كد وكفاح وأشكرك يابومحمد على حسن ذاتك .
عزالله انهم كرماء وقلوبهم بيضاء

تحيه من اليمن لكل من شملهم الفيديوا ..كلام السواق عن رحلته لليمن صحيحه .من واقع وصفه عندما وصل صنعا يذكر حتى مكان الوصول وبقيه لاوصاف..الله يطول عمره..
تحيه لاشقائنا شعب المملكه..
تحيه للجميع من اليمن..

الفديو
هذا وضح لنا إن الدنيا باقي بخير
ياالله من كمية طيبة ووفاء في هالناس
شي مو طبيعي
ناس تحب العمل
ومخلصه أمام الله ثم أمام خلقه
لو يسولفون إلى باكر
ماحسينا بالملل ابد
عقولهم فيها تاريخ
متجدد
لو وضع في كتاب
من الصعب
تدوينه
الله يبارك لهم في صحتهم وعافيتهم
شكرااا لك
عبدالرحمن الصالحي

والله ثم والله ثم والله اني فخوره جداً جداً بما شاهدت ، اخي امتعتنا لمدة نصف ساعه بدون ملل اعجز عن وصف م رأت عيني من رقي و سعة صدر وبال ونفوس طيبه عاصرت الماضي والحاضر بجهد و ف الأخير ،اللهم اجعلنا من الصابرين الشاكرين الذاكرين ❤️❤️.

السعودي قلبه طيب فعلا وهم أناس أهل الكرم والجود وفزاعين والفزعه من شيم العرب ومجالس كلها زينة وحلوة بالذات في زمن الناس الطيبين

الله يشفي بوي كنت اسافر معه وانا صغير على لوري ثم تريله كانت اجمل ايام وكنى نسافر مجموعه سواقين الله يازمان والله اني بكيت تذكرت هذيك الايام الله يرحم الي مات ويطول عمر الحي

هؤلا هم السعوديين فعلا ناس محترمه الله يوفقهم تحياتى لكم اخوكم من اليمن

أنا لفيت العالم والله حق ما لقيت أفضل من قبائل العرب في أدبهم وكرمهم الله يديم خيره عليكم الي يوم الدين ياأهل سيدنا محمد صلي الله عليه وسلم.

شكرا شكرا شكرا جزيلا أستاذ عبدالرحمن الصالحي هذا المقطع الذهبي الذي يبين للأجيال تباين الأحوال، وما عاناه الآباء والأجداد...
جزاك الله خيرا.

ما اجمل مجالس العرب ❤
تحية لكم من العراق يا اخوان

أفضل مقطع بدون منازع... اللي يوافقني الرأي 👍

الاصالة تجري في عروق السعوديين الله يديم المحبة 🇸🇦💚

*مهنة ( النقل الثقيل ) مربحة وهي منجم ذهب ،،، هذه المهنة قضى عليها ذوي الاموال الطائلة باستيراد اساطيل من الشاحنات وسواقين وافدين*
*ومدير اجنبي له نسبة كبيرة من الارباح فضيقوا الخناق على اصحاب الشاحنات من المواطنين ،،، واصبحت هذه المهنة مندثرة*
*على الدولة اعادة النظر في ذلك ،،، واعادة سعودتها تدريجيا ،،، وسيتوفر عشرات الآلاف من فرص العمل ( المربحة ) للشباب*
*اصحاب اللواري باعوها بسبب ( المنافسة الغير عادلة ) بسوق العمل ،،، ويجب اعادة هذا الرافد الاقتصادي الى وضعه الصحيح*

سبحانه الله احنى ياسعودين تحس انك تجلس جلسه عايديه فله وبسطه ولا يهمنى المكان ماهو الحين ترفيه وامور مايرضاها الله وتحس بطفش ونكد

حرام طلاق انهم فخر للوطن وانا يماني ولكن ناس مثل هولا يستاهلون كل الحب والتقدير والاحترام مثل هولا نفتخر اطال الله في اعمارهم وحقق الله امانيهم بحق هذا الشهر الفضيل )تحياتي

والله إنكم كرماء كعادتكم لسانكم ينكط عسل وطيبة السعوديين الاصلاء والكرماء
أخوكم زبيدي من الموصل

بدون مجاملة أفضل مقطع بتاريخ اليوتيوب وقناتك أفضل قناة

أن اشهد انهم اهلا النخوه والتكاتف والفزعات وقلوبهم بيضاء على بعض وجمعتهم من احسن اجمعات هذولا عدهم من زمن الطيبين متحابين كا الاخوه واكثر إسال الله ان يجعلنا مثلهم من نقاء وصفاء اهلا الصف الواحد والكلمه الطيبه

كفاح السنين ، ودموع الذكريات ... 😢😢😢

ماشاء الله ونعم والله وجيه غانمة واللي لفت نظري يوم يعرفك عليهم قال اني انا قلتله تعال تغد واظهر انه هو الي لزم عليك والحقيقة انت الي طلبت منه ولله كرامة ومروئة واحترام الضيف يجب ان يدرس شوفو كيف حفظ كرامة خوية ما قال هو جا قال بجي معك والا جيل هالوقت بيقولون (وش يبي ذا يقط وجهة ) والله ان الطيب موجود والطيبين ما راحو

ابوي الله يرحمه ويغفر له كان عنده عايدي مويا يشتغل فيه من الصباح للعصر ومن الساعه 9 المساء الي الصباح موظف في مستوصف
كل هذا علشان يوفر لنا حياه كريمه ولا نحتاج احد
الله يرحمك يا يبه ويغفر لك ربيتنا افضل تربيه ولا قصرت بحقنا بشي

كلام الرجل عن اليمن صحيح وموقع السوق صحيح وموجود الى الان بموقعه

يا ليتك سألتهم عن قصصهم ومعارفهم مع السواقين من المدن الأخرى من الحجاز والشمال والشرقية والجنوب .👍
من أجمل وامتع ما شاهدته على اليوتيوب.
تميز بكل ما تعنيه الكلمة 👍👍👍

انا افدى ذالحايا الغانمه الله يطول اعماركم على الطاعه.
شكراً لك إستاذ عبدالرحمن الصالحي الله يصلح لنا ولكم النيه والذريه.

والله ونعم فيك وفيهم رغم معانات الخطوط والمشقات الي مرو فيها صدورهم وسيعه مشاءالله عليهم وصابرين في طلب الرزق الحلال الله يرزقهم من واسع أبوابه والجنه ويرزقنا الرزق الحلال والجنه الحياة كفاح الله يوفقنا وياهم يارب

لازم يكرمون السواقين القدم الله يعطيكم العافيه والصحه ان شاء الله

تقرير رائع ابو محمد مع الجيل السابق لايضاح معانات الاجداد والاباء مع ظروف الحياة السابقة وكيف قاوموا الحياة ودروس لهذا الجيل الذي يشتكي من الظروف ليعلموا انهم في نعيم الله لايغير علينا نعمته 👍👍👍

مقطع جميل وخالي من التصنع وعايشنا الماضي الجميل بحاضره ❤️ اللهم بلغنا ويااكم شهر رمضان 🌛❤️بكل صحه عافيه

سبحان الله دمعة عيني من هذي النفوس الطيبة. سبحان الله. الله يحفظهم دنيا وآخرة ويرضا عنهم الرحمن

العايدي،،،،والله زمان...السواق السعودي محترف وبطل وكان يراعي الشارع لناس اما الان افارقه وباكستانين بعضهم اجرم في القياده.،،،الله يعطيكم الصحه والعافيه.🌼

يالروعة الافكار ..! ويالابداع المحتوى ..! ويالتميز التقرير ..! 🌼
تحير عن الوصف اللسان ، وتحيرت الاحرف في التعبير والكلام ، وتحيرت عن الكتابة الاقلام ..!
من اجمل التقارير التي لم يتطرق لها احداً من قبلك ، فأنت سباق بالافكار الرائعة .. وهذه عادة المبدع ..
فإبداعاتك استاذي كغيمة ماطرة ، لاتهطل الا بما هو جميلٌ وشيق ، وتبقى تقاريرك كأيقونة فرح عالقة في قلوب متابعيك .. ويظل تميزك غير قابل للقسمه ..
فبصماتك بالمحتوى المتميز والملامس للقلوب ، سيبقى مفتاحاً لقلوب متابعيك لايمكن ان يستبدل .. 🌼

حبايبنا اهل السعوديه الله يهنيكم ويزيدكم من كرمه ويوسع عليكم في الرزق ويجملكم بالستر والعافيه عافيه البدن والدين اهل جود وكرم والله حي الله الاصل والعشيره اخوكم الدليمي

*هذا هم السعوديين كد وكفاح وكرم وعزة نفس*
*أبو سليمان الاول كلامه وصوته يشبه كلام وصوت جدي*
*الله يعطيه الصحه ويشفيه*

والله اهل المملكه اهل الفزعات وكرم والله لا يغير عليكم 🇸🇦🇰🇼

ياخي كم احب كبار السن حتى سواليفهم تفتح النفس وتطيب الخاطر تحية لكم من اليمن

افضل مقطع بدون مجامله استمر 🌹🌹

بارك الله فيكم
هذول جماعة تعوبين بنو وساعدوا كل أهل الخليج في الترحال والنقل و الأمانة في أصعب الظروف.
ويجب مكافأة لهم.
الله ايطول أعمارهم

عورني قلبي يابو محمد وانا اتابع رجعتنا لأيام الوالد رحمة الله عليه على اموت المسلمين والله إن السواقبن من أكثر الناس كفاح وتضحيه من أجل إطعام اطفاله .. تغطيه مميزه لم يسبقك لها أحد مميز في كل ماتتحفنا به

يا بري حالي الوالد كان معه مثل هالحماليه وكان يسافر الاردن وسوريا والكويت وكانت احلى ايامه والحين عمره حول الـ ٨٠ وكبير سن ودايم يعلمنا بقصصه وسفرياته ويتمنى لو ترجع 💔

الله ياوقت مضى .... كانت لي تجربه مع الوالد الله يطول بعمره
من يوم وانا صغير كنت احب اروح وانبسط اذا ركبت القلاب اشوف نفسي برنس السيارات الصغيرة اشوفها واحتقرها

لقا رائع يحكي حيات السعوديبن سواقين النقل العام في الماضي قبل ان تجبنا عمالة السواقين
شكرا لاخونا الصالحي على هذا القاء الرائع الرأئع بامتياز

نفوس طيبة ربي يحفظهمم ويمتعهم بالصحة والعافيةة ويكثر من امثالهم 💛💛

والله ان العين تدمع من سواليفكم يناس مادري وش اكتب ومادري وش اقول يخونني والله التعبير الله يرحم ايام زمان يازينكم ويازين ايامكم والنعم بكل اهل القصيم كلهم اهل الكرم والجود والفزعة والنعم بكم جميع الله يعطيكم الصحة والعافية الله يعطيك الصحة والعافية يااخونا المبدع دائما عبدالرحمن الصالحي نشكرك انك قابلت هاولاء الرجال المكافحين الرجال الصبورين رجال الكد والكفاح الله يعطيهم الصحة والعافية وطولت العمر انا اتمني من هاذا الجيل ان يحذو حذو هاولاء الرجال وان يتعلمو منهم الصبر والكفاح لانهم فعلا تاريخ تاريخ مبدع تاريخ مشرق الله يطول بعماركم والله ان دموعي تنزل وانا اكتب كلماتي هاذي الله المستعان الله يرحم ايام مضت وولت اللهم ارحم اهلنا واجددنا اللهم اجزهم خير الجزاء على كدهم وصبرهم وكفاحهم اللهم من كان منهم حي يرزق فمتعة بالصحة والعافية وطولت العمر ومن كان منهم ميت فاغفر لة وارحمة برحمتك ياارحم الراحمين الله المستعان 😦😣

ماشاءالله تبارك الله.... الأولين لا يعوضون.... انا مهندس اشتغلت بالمملكة من عام 1396 هجري حتي عام 1429***** وكانت ايام جميلة.... كلها في انشاء الطرق بكل مناطق المملكة

تحيه من العراق للسعوديه الله يعطيكم الصحه والعافية ويرزقكم من حيث لا تعلمون تحياتي أنا صغير جان عدنا لوري قاطرة ومقطورة نسميه بالعراق احلى ايام من جنت اطلع وَيَا ابويا وبالليل يوكف يسوي اكل ونكعد وَيَا سواق الطيبينً ونأكل مجان عدنا سني شيعي مسيحي ناكل من نفس الماعون ولله نفس الشئ بالسعوديه عدكم ماشاء الله عليكم اتمنالكم الخير يا اخواني واني مسيحي احب السعوديين ناس طيبين

افضل فيديو شفته في حياتي في السعوديه وين فتاة mBC
عنهم
ولا ما تطلع إلا عيال النيدو لو ما في وجيهم شعر تقول انهم بنات
تحياتي توصل بدو السعوديه من بدو اليمن
ومثل هذولا الشيبان يرفعو الراس

الله يا وقت مضى
الله يغفر لوالدي ولاموات المسلمين اجمعين
اشتغال ما يقارب الخمسه واربعين عام على قلاب ينقل فيه الرمل
ويوم شفت هذا المقطع تذكرت يوم كنت اروح مع والدي تذكرت جمعاتهم وسواليفهم
اقسم بالله لدمعت عيني
اسال الله ان يعوضهم عن شبابهم وعن تعبهم بجنات النعيم

هذ اللي يحكوه من زمنهم الجميل لازلنا نعيشه في اليمن
تحياتي لهم 🌹

بيض الله وجهك اني من العراق احيك ع هذا الفدويه الله طول عمارهم وجهم تتحدث عن المعانت وقدوه للشباب احسنت اخي

أجمل مقطع مع هذا الناس الطيبيين

زول عاااااشق للسعوديه ادام الله عزكم يااااارب اعود ثاني للسعوديه اشتقت والله لمكه والمدينه المنوره قبر الرسول صلى الله عليه وسلم

ماشاء الله تبارك الرحمن
مدرسه فالاخلاق والرجوله والصبر الكفاح وصفاء القلب والنيه والاعتماد على الذات
من أجمل المقطع فاليوتيوب 🌷🌷🌷

ما شاء الله تبارك الله.. الله يعطيهم الصحه والعافيه ويقويهم على الطاعه.. الغريب لهم ٣٠ و ٤٠ سنه ولا فكروا يتقاعون او يجلسون بالبيوت..

من خميس مشيط تحيه للقصيم وهل القصيم
شكرا ابو محمد على ذا المقطع الجميل
وانا دائما بحكم صداقاتي مع زملاء من القصيم وروحاتي للقصيم في السابق.
وكنت اعجب بعصامية هل القصيم وانهم مبدعين وقليلا ما اجد من يعجبه كلامي
الكثير يرون القصمان اصحاب أموال وانهم مدللين الحكومه ومن ذا الكلام .
لكن ذا المقطع يثبت عصامية هل القصيم وابداعهم في جميع المجالات .
بارك الله فيهم وفي جميع شعب وطننا الغالي

بيض الله وجهك . والله موضوع من اجمل المواضيع اللي المفروض ينطرح من زمان . لأن هذولا السواقين تلقا ابنائهم وبناتهم مراتب عليا والسبب مجهود السواقين اللي ضيعوا شبابهم على شان عيالهم ماينقصهم شي . انا اتكلم من واقع تجربه لأن والدي من نفس الجيل الله يحفظه لي . ويحفظ المجموعة اللي شفناها في المقطع. والله من اجمل الايام اللي عشناها . احسنت على المقطع

هؤلاء الرجال يبحثون عن رزقهم وتحملوا الديون ومشقة الأسفار لكي يريحو ابنائهم وبناتهم ، وتجد احد الابناء يستحي ويخجل من مهنة ابيه . كم انتم عظماء أيها الكادحون

الله يجزاك خير والله استمتعت بالمقطع الممتاز ونحمدالله على هذي النعمة التي ننعم بها اليوم في ضِل حكومتنا الرشيدة بفضل الله عزوجل

السلام عليكم ورحمة الله وبركاته
اما من العراق اما حبيت قناتك الجميله بسبب هاذا الفيديو الجميل والله تحيه الك والاهل المملكة العربية السعودية
ممكن تصلو على الحبيب محمد عليه افضل الصلاة والسلام

الله يحفظك يابوعبدالله انت واصحابك ويطول باعماركم
ذكرتنا بالزمن الجميل عندما كان اليمنيين يقطعون جواز ويدخلو السعوديه بلاتاشيره ولا اقامه الله يردذيك الام الحلوه

ماشاء الله تبارك الله
اللهم صل وسلم على نبينا محمد
اشكرك على هذا القاء مع السواقين لمعرفة عن حياتهم ومعيشتهم لكم مني جزيل الشكر والاحترام والتقدير
اخوك من اليمن السعيد وادي بنا

اخوي من اهل عمان حربي
يسوقون سيارات موازد سمك يمشون لجده والحساء من بداية صغره وأهل السعوديه اخوانا واهلنا

وفقك الله يبو محمد على هذا التوثيق
رحم الله والدي رحمة الابرار اشتغل على لوري مايقارب 40 سنه
والله حياة جميلة

حلقه جميله ماشاء الله كان نفسي ماينتهي الفلوق كل شخص فيهم يحمل تاريخ من الذكريات الجميله والنخوه والرجوله والصبر والمواقف النبيله نسئل الله ان يوفقهم ويرزقنا ويرزقهم من واسع فضله ونعيمه....

من سهر الليل تغدى بالطري ومن عانق البيض أصبح يشتري ،،، الله يبارك فيهم ويطول باعمارهم ويجمعهم على الخير والمحبه

افضل واجمل فيديو من تاريخ اليوتيوب الى اليوم

يعطيك العافيه يا ابو محمد مقطع رائع ومعبر عن حياة جيل مكافح وقدوة نتمنى أن نأخذ منهم ولو الشيء القليل . الحياة والرفاهيه ليست نعيماً دائم

ابوي الله يرحمه يا ملا الجنة الباردة هو واموات المسلمين.
كان سواق تريلة. ولي الشرف وافتخر اني سعودي اباً عن جد. اقسم بالله انه من اصلب الرجال واكرمهم واوسعهم صدر.
السعودي مهما كان من انظف الرجال قلوب واسلمهم فطرة واكرمهم وارحمهم واشجعهم.
دعواتنا بالرحمة للذين توفو جميعا من اهالينا وخاصة اللذين توفو بعيدا عن اهاليهم بحثا عن اللقمة الحلال في ظروف غامضة وطرق طويلة وسحيقة.
وارجع واقول ابن البلد وبنت البلد يا ناس مهما كان
انظف واشرف وابرك من غيرهم.
تحياتي لاحلى واغلى واثمن بلد شعب وحكومة
مملكتنا الغالية.

الله يوفقك ويسعدك يارب
الحقيقة يستاهلون ان يكون لهم تكريم من وزارة المواصلات هم من قام البلد على سواعدهم هم وغيرهم من السواقين في جميع أنحاء المملكة العربية السعودية
تقرير مميز ياابومحمد
الله يعطيك العافيه على ماتقدمه ونسأل الله أن يديم علينا نعمة الأمن والأمان في هذا الوطن الغالي
ابوعبدالرحمن

هاذي المقاطع والمحتويات الي ودك انها توصل ترند مو خرابيط الي نوشفها واتوقع فاهميني والي فاهمني ارعص لايك خلوه يوصل ترند تحيه محبه لرجالن ودك بجلستهم وسوالفهم وتعلم منهم 💓🌹

حيا الله هذه الوجوه الطيبة المباركة ❤

الله يطول في عمر ابويه ويرزقه الصحه والعافيه والله الخير والنعمة الا اعيشها حاليا انا واخواني كله من فضل الله ثم فضل ابوي الا اشتغل على العادي ووفر لنا عيشه كريمه واكملنا تعلمينا واصبح منا ممرضين وطبيب وضابط والله انظر إلى كل زوايه في بيتنا اشوف فيه سهر الليالي وكد وتعب إلى أن وصلنا إلى هذا الحال الله لم أعرف حجم التعب والإرهاق التوفير لنا لقمه العيش ومتطلبات الحياه الكريمه كلما رئيت تجاعيد يده و ووجهة ومعاناة الزمن وكله من أجلنا ابكي من داخلي كيف أرد لك هذا الجميل يا أبي كلما ركبت سيارتي و سفرت أو اشتريت شي نفسي تريده اقول ليس لي فيه فضل إنما هو من هذا هذا الرجل حتى وإن كان من مرتبي لأنه اولا واخيرا لي فيه فضل بل الفضل الله أولا ثم الا ابي

الله يرحم ابوي ويغفر له عاشق للمارسيدس والأعمال الحرة من هو صغير كون نفسه من ونيت يشغل عليها جمع فلوس وشرا عايدي وعمره صغير واشتغل ايام الشغل الطيب والى الان سيارته عندي ورغم ان الشغل ضعيف ومافيه فايده لكن والله مهو مطاوعني قلبي ابيعه

صارحتنا اول مره يشدني مقطع من الثانيه الاولى الى الثانيه الاخيره والبساطه بالطرح وبدون تكلف وتصنع اهنيك للامانه والله يمدهم بالصحه والعافيه

المقطع ماشاء الله جلسه سوالف جميله شفت المقطع مرات ومرات ولا زلت اشوفه ❤

والله العظيم في كمية من الراحه النفسية في هذا المقطع وشي صعب وصفة . للعلم ثاني مره اتابعه

تمنيت عشت زمنهم الأول رغم انه شقى بس حتى الخط كذا تحس له طعم الحين تتعطل محد درى عنك الله المستعان ، لكن حمدلله على زمن الرفاهية والراحة والامن والامان شكراً ياصاحب المقطع جزيل الشكر🌹

بيض الله وجهك تقرير ممتاز وافي وكافي جسدت من خلاله حياة الأولين ليطلع عليه جيل المترفين ومقاهي ستاربوكس ودانكن دونات واصحاب القصات والترزز في مواقف الاسواق وارصفة شارع التحلية جمهور الكوره

اللة يجزيك الخير .شعب السعودية محترم ومتدين جدا .وانا من الاردن ارسل لكم تحياتي

السلام عليكم ورحمه الله وبركاته ابوعبدالله والله ماتوقعت في يوم عقب السفر اناظر صورتاك ولاكن من سمعت صوتك عرفتاك وكنت اطيب واحسن زبون عندي في عنيزه قعت بالاشرفيه 21 سنه راحت ياليتها تعود ايام عز لاكن انشاء الله راجع

الله يطول اعمارهم ويوفقهم ويرزقهم الجنه اول ما شفتهم تذكرت الناس اللي علمتني اني اكون سائق شاحنه ناس عاقله وراسيه

كمية من جمال الروح غير قابلة للوصف الله يحفظهم ويرزقهم الذرية الصالحة مقطع ومجهود تشكر عليه

اشكرك كثير يا صاحب القناة على إهتمامك الجميل بهذا الموضوع اللذي لابد أن نسلط الضوء عليه
الله يجزاك خير و يعيد لنا هذا الزمن الجميل زمن الطيبين 💔

الحمّالية ... لي أكثر من 36 سنة لم أسمع هذا الوصف. الله يجزاك خير ويغفر لوالدينا ووالديكم ولجميع المسلمين

كل الشكر لهؤلاء الرجال اللذين ضحو بأنفسهم وتعيبو وسهيرو وخاطرو من اجل لقمية العيش ، لو تتبى احد القنوات حلقة كاملة عن ماضيهم ومعاناتهم وما واجهوه في حياتهم العملية ، وكذلك الشكر موصول لصاحب القناة ابومحمد الاخ عبدالرحمن الصالحي .

تحية كبيرة لاهل السعودية من السودان. ترا السعودين يشبهونا بعاداتهم الاصيلة والكرم الله يسعدكم ونسة جميلة ولمة حلوة عجبتني

الشخص الذي مكافح وقد ذاق مر الحياة تجد أخلاق عاليه وصبر ياحبي لهالشيبان وناسه وطهر قلب الله يرحم والدينا جميعااا

أحلى تقرير عن حياة السواقين 👌🏻

ناس طيبين وقبايل كرام الله يعطيكم العافيه يا أخواننا في السعوديه محبكم من اليمن

أهل عنيزة أجاويد طيبين ماتشعر بالغربة بينهم ولافيهم كبر ولا عنصرية أنا جيتها وتمشيت فيها أجمل مدينة من حيث التنظيم والترتيب وترى اهلها يدفعون من مالهم ويطورونها ويحبون ديرتهم جدا .... الحقيقة المقطع أثر فيني وكشف جانب من أهل لنا عاشوا ظروف صعبه وكانوا رجال

ما شاء الله تبارك الله ❤️
مقاطع جميله وذكريات اجمل وسواليف ماتمل من سماعها 🌧️
تحياتي للجميع وكل عام وانتم بخير اخوكم عدنان الـجُـهَـنِـي 🇸🇦

مهنه التحميل في السعوديه خاصه للسعودين بس التجار أهل الكروش فتحو شركات نقل وتستر وخربو ع ابن البلد شغله لكن مانقول الا حسبي الله ونعم الوكيل

من جد وجد ومن زرع حصد وهذي ثماركم خطفوها اولادكم تبارك الله في ارض اوطانكم و اوطاننا قصص جميله جدا و استفدنا منها الكثير صلى الله وسلم وبارك على سيدنا محمد

اوجعني قلبي يعلم يعلم الله، تذكرت الوالد الله يغفرله ويرحمه ويرحم اموات المسلمين أجمعين .
الف شكر يا ابو محمد على احياء ذكرى مخضرمه منذ سنين ملؤها الحب والصداقه الكفاح ❤️

ياليتني كنت من هذا الجيل العصامي ...جيل الرجال اللي بتعبهم حنا نعيش برفاه ودلع.
تحيه لكم من كل قلبي ياهذولا الرجال.
الله يطول اعماركم ويحفظكم ويمتعكم بالصحة والعافية.
عمل رائع تشكر عليه يابو محمد

الله يطول بعمرك يابوي كنت اسافر معه ايام الاجازه وكنت اعتبرها رحله مع الوالد تسوى شوفه اروباء
ادعو للوالد بالله حفظكم الله الأن اهلكه السكر وكبر سنه نسأل الله ان يعافيه ويافي كل مسلم

ماشاء الله ، ربنا يحفظهم ويبارك فيهم ، الناس دى شافت حياة الدول العربية وهما جزء واحد ، من غير مايفصلهم حدود او ورق ، او اقامات ، ربنا يجمع العرب على كلمة واحدة

المجالس هذه عباره عن مدرسة شامله كل شي

يازين سوالفهم الله يعطيهم الصحه والعافيه
ويطول اعمار شيبانا ❤
جزى البارحه جفني عن النوم
من روائع عبدالله فضاله

االله يمتعهم بالصحه والعافيه أجمل حياة رغم التعب شكرا اخي عبدالرحمن محتوا مفيد ويذكرنا بأيام الطيبين الطاهرين امثالكم تعبو وضحو وصبرو ايام الزمن الجميل

هذا هو اللي يسموه الدعم اللوجستي ، وظائف النقل مجال جدا كبييير ومحترم وقد ماتتعب قد ماتحصل الرزق ، الله يبارك في رزقهم ويزيدهم ويعطيهم من فضله وتقر اعينهم بشوفه عيالهم وبناتهم